რეგისტრაცია რეპეტიტორებისთვის / პაროლის აღდგენა |
|
აღმოსავლეთ პარტნიორობის რეგიონული კონფერენცია გაიმართა
15/10/2018 საქართველოს განათლების, მეცნიერების, კულტურისა და სპორტის მინისტრის მოადგილემ, ირინა აბულაძემ აღმოსავლეთ პარტნიორობის სამდღიან რეგიონალურ კონფერენციას უმასპინძლა, რომლის მიზანსაც პარტნიორ ქვეყნებს შორის, სამუშაოზე დაფუძნებული/დუალური განათლების საკითხებზე გამოცდილების გაზიარება წარმოადგენდა. კონფერენცია განათლების ევროპული ფონდის (ETF) ორგანიზებით გაიმართა და მასში მონაწილეობა 6 ქვეყნის (უკრაინა, ბელარუსია, აზერბაიჯანი, სომხეთი, მოლოდვა, ყაზახეთი) 50-მდე დელეგატმა მიიღო. საქართველოს განათლების, მეცნიერების, კულტურისა და სპორტის მინისტრის მოადგილემ, ირინა აბულაძემ ღონისძიების ფარგლებში კონფერენციის მონაწილეებს სამინისტროს ახალი ხედვა და სამუშაოზე დაფუძნებული/დუალური განათლების მიმართულებით მიღწეული შედეგები გააცნო. ყურადღება გაამახვილა განათლების ყველა საფეხურს შორის უწყვეტი კავშირის მნიშვნელობაზე და აღნიშნა, რომ პროფესიული განათლება სისტემის ერთ-ერთ პრიორიტეტულ მიმართულებას წარმოდგენს. სამინისტროს მიერ, პროფესიული განათლების რეფორმის ძირითად ასპექტებად განსაზღვრულია: პროფესიული სასწავლებლების ხელმისაწვდომობის უზრუნველყოფა, ზრდასრულთა განათლების სისტემის განვითარება, სამუშაოზე დაფუძნებული /დუალური განათლების მასშტაბის ზრდა, რაც საბოლოო ჯამში მოსახლეობის დასაქმების მაჩვენებლის ზრდას უკავშირდება. კონფერენციის მსვლელობისას, თითოელი ქვეყნის მხრიდან, გაკეთდა პრეზენტაციები, რომელიც სამუშაოზე დაფუძნებული/დუალური განათლების კუთხით განხორცილებულ პარტნიორი ქვეყნების გამოცდილების, მიღწეული შედეგებისა და პროგრესის გაზიარებას ისახავდა მიზნად. განისაზღვრა ქვეყნებს შორის თანამშრომლობის სამომავლო გეგმები.
|
გვერდის გაზიარება |
© e-commerce georgia LTD, 2012 All Rights Reserved |
სიახლეები | კომპანიის შესახებ | წესები და პირობები | დაგვიკავშირდით |